[11]
IN ADELPHONSI CASTELLÆ. Regis effigiem. Lopus de Vega Carpio
Salve Heros, cuius complet vaga fama per orbem
Astra quot occasus, astra quot ortus habet.
Salve magna meæ (Rex inclite) gloria musæ,
Armipotens princeps carmine digne cani.
Tu primus Solymis vexilla Hispana dicasti [5]
Arduus. O magni fortia facta ducis!
Te victore, sacras votis incendimus aras,
Grataque cælitibus, munere thura damus.
Post tua felicis dextræ Mavortia gesta
Gens Hispana sacrum tollit ad astra caput. [10]
Illa ego, quo potero celebrabo carmine,
musæ
Parce meæ, noster
carmina
spirat
amor.
Mantua me genuit Tartessia, debuit illa
Qua genitus quondam
Tityrus
arte potens.
Me Manzanares vidit sub rupe canentem [15]
Rustica
arundineis carmine facta modis.
Nunc opus
heroum,
divinaque; bella tonamus,
Qua vagus aurifero volvitur amne Tagus.
Per freta
Fortunam
vici, per inhospita saxa:
Hoc potui (sat erit) victus ab
invidia.
[20]